شو الفرق بين معالج 64بت و معالج 32 بت؟؟؟؟

ضمن البنية التصميمية للمعالج في شي اسمو خطوط عنونة تستخدم من أجل الإشارة إلى العنوان المحدد في الذاكرة ، و شي اسمو خطوط data تستخدم من أجل نقل القيمة التي ينبغي تخزينها في الذاكرة او بالعكس، نقل القيمة المخزنة في الذاكرة إلى المعالج من أجل معالجتها هي القيمة يلي نقلناها عل معالج وين بتتخزن؟؟؟ بتتخزن بشي اسمو سجل register.

بعد الحكي السابق بكون الفرق بين 64 بت و 32 بت :
1- سجلات المعالج أكبر يعني بتوسع معطيات اكتر.
2- خطوط العنونة أكتر يعني فيك تحط ذواكر اكتر يعني اذا عملنا حسبة بسيطة على معالج 32 بت مو عندنا 32 خط منشان العنونة وبالتالي كم عنوان بالذاكرة:

2^32= 4294967296 يعني 4294967296\1024=4194304 يعني 4194304\1024=4096 يعني4096\1024= 4GB عرفت ليش معالجات 32بت ما بتاخد رامات اكتر من 4GB اي طيب معالجات 64 بت اديش بتاخد اذا كانت خطوط العنونة 64 بت بتاخد بلاوي منشان هيك اغلبية معالجات 64 بت المنتجة بتجي خطوط عنونة فيها 40 بت يعني فيك تركب رامات لحد 1000GB منشان هيك العرف بالمعالجات وقت نقول معالج 64 بت هون ما بنقصد خطوط عنونة بكون عبقصدو خطوط DATA خطوط عنونة ممكن تكون نفس الرقم او اقل ........

3- طالما الهارد وير اختلف فإجباري السوفت وير بدو يختلف لانو السوفت وير بتحكم بالهاردوير منشان هيك بتلاقي ويندوز 64 بت او لينكس ريد هات 64 بت وحتى التعاريف بدها تختلف منشان هيك بتلاقي جوات CD التعريف X86 او X86-32 هدول الرموز بشيرو لنسخة 32 بت بالنسبة لل 64 بت في عندك X64 او X86-64 و حتى البرمجيات ممكن تختلف وخاصة البرمجيات يلي بتتعلق بال DESIGN متل 3DMAX او AUTOCAD ...
طبعا معالج 64 بت بيشتغل على انظمة تشغيل 32 بت.....

بعد كل هي الدوخة ممكن المستخدم العادي ما يحس بالفرق بين 32 بت و 64 بت يلي بحس بالفرق يلي بيشتغل برامج تقيلة ويلي بيستهلك رامات كتير خصوصي جماعة DESIGN او يلي بستخدمو برامج محاكاة تقيلة او يلي يلي عندو database ضخمة....